monumenta.ch > Hugutio Pisanus > sectio 16

Word Selection for Searching

Report an Error in this Sectio
Hugutio Pisanus, Derivationes, p8, p13, 16
Item a gallus hic et hec Galata -e, nomen populi, ad quem scripsit apostolus, unde hec Galathia, provincia eorum, et per compositionem gallogrecus -a -um: Gallogreci idem sunt qui Galathe; et hinc hec Gallogrecia -e, eadem regio que et Galatia, siquidem olim Galli, in auxilium a rege Bithinie evocati, regnum cum eo, peracta victoria, diviserunt, sicque de eisdem Grecis admixti primum Gallogreci dicti sunt, et eorum regio Gallogrecia.